Jurnalistlərin növbəti qrupunun peyvəndlənəcəyi vaxt açıqlandı

Aprelin 26-da Azərbaycan Mətbuat Şurasında (MŞ) jurnalistlərin "COVID-19" infeksiyasına qarşı vaksinasiyası davam etdiriləcək.
Şuradan Feedline.Net-a bildirilib ki, indiyədək MŞ-də 200-dək jurnalist peyvənd olunub. Şuraya bununla əlaqədar əlavə 150-dən artıq yeni müraciət daxil olub. Müraciət edənlər vaksinasiyanın aparılacağı barədə məlumatlandırılıblar. Onlar növbəlilik əsasında peyvənd oluna biləcəklər.
Mətbuat Şurası KİV redaksiyalarından yaşı 18-dən yuxarı olan və vaksinasiyadan keçməyən əməkdaşlarının siyahısını Şuraya ünvanlamağı xahiş edir. Siyahı redaksiyanın rəsmi blankında olmalı və möhürlə təsdiqlənməlidir. Orada vaksinasiya olunacaq jurnalistlərlə bağlı aşağıdakılar yer almalıdır:
Adı, soyadı, atasının adı; Doğum tarixi; Şəxsiyyət vəsiqəsinin rekvizitləri (seriya və nömrə və ya fin kod); Əlaqə vasitələri (şəhər telefonu və mobil telefon).
Siyahı şəxsən də, Mətbuat Şurasının [email protected] və [email protected] elektron poçt ünvanlarına da (PDF faylda skan olunmuş formada) göndərilə bilər.
Mətbuat Şurasından əlaqələndirici şəxs Əvəz Rüstəmov: (012) 441 35 30; (050) 206 96 02
Feedline.Net

TEQ: Jurnalistlərin növbəti qrupunun peyvəndlənəcəyi vaxt açıqlandı


23 Apr 2021 18:12   |    156

Mənbə: news.milli.az



(Bu ona görə idi ki, Allah bununla )kafirlərin bir bölüyünü qırğına versin və ya onları darmadağın etsin ki, məyus halda geri dönsünlər. (Ali İmran Surə-3,ayə- 127)



Şərhlər

Digər Cəmiyyət xəbərləri