Körpə Əlinin sağlamlığına qovuşmasına kömək edək - FOTO

36 günlük körpənin sizin köməyinizə ehtiyacı var.

Balaca Əli ürək qüsuru ilə dünyaya gəlib. Həkimlər onda ürəkdə qulaqcıqlar və mədəciklər arası qüsurlar, ikinci-üçüncü dərəcəli mitral çatışmazlıq, üçüncü dərəcəli trikuspit çatışmazlıq və fəsadlar müəyyən ediblər.

Uşağın həyatda qalması üçün cərrahi əməliyyat olunub, həkimlər əllərindən gələni ediblər.

Atası Əsgər Tanrıverdiyevin sözlərinə görə, hələ 40 günü tamam olmayan övladının əməliyyat pulunu ödəyə bilmir:

“Övladım ürək qüsuru ilə dünyaya gəlib. Həkimlər həyatda qalması üçün əməliyyat edib. Uşaq əməliyyatdan sonra küvezdə saxlanılır və bahalı dərmanlar lazım olur. Ümumilikdə, gücüm çatan qədər ödəniş etmişəm. Amma hazırda Mərkəzi Klinikaya 1 400 manat məbləğində borc qalıb. İmkanım yoxdur bu borcu bağlayım. Övladımın müalicəsi hələ də davam edir, çox xahiş edirəm mənə yardım edin”.

Həkimlər balaca Əlinin 3 ay sonra yenidən əməliyyat olunması gərəkdiyini bildirirlər. Ailəyə yardım etmək istəyən şəxslər uşağın atası ilə əlaqə saxlaya bilərlər: +994 55 320 21 34




TEQ: Körpə Əlinin sağlamlığına qovuşmasına kömək edək FOTO


23 Feb 2021 14:44   |    190

Mənbə: oxu.az



Allahdan qorxanlardan, Allahın nemət verdiyi iki kişi dedi: “Onların üzərinə (şəhər) qapısından daxil olun. Əgər siz ora daxil olsanız, əlbəttə, qalib gələrsiniz. Əgər möminsinizsə, Allaha təvəkkül edin!” Onlar dedilər: “Ey Musa! Nə qədər ki onlar oradadırlar, biz ora heç vaxt girməyəcəyik. Odur ki, sən və sənin Rəbbin gedin, (onlarla) vuruşun. Biz isə burada oturacağıq”. (Maidə Surə-5,ayə- 23-24)



Şərhlər

Digər Cəmiyyət xəbərləri