Sergey Lavrov Qarabağ mövzusu ətrafında geopolitik oyunlara qarşı olduqlarını bəyan edib

Rusiya Xarici İşlər naziri Sergey Lavrov Dağlıq Qarabağ ətrafında müxtəlif tərəflərin mümkün geosiyasi ambisiyalarının təzahürlərini şərh edib.

Bu barədə “RİA Novosti” agentliyi məlumat yayıb.

“Əgər birinci sıraya geosiyasi ambisiyaları qoysaq, heç bir şey edə bilmərik. Biz bu cür cəhdləri qətiyyətlə rədd edəcəyik və diqqətimizi bu bölgədə yaşayan xalqların təməl maraqlarına cavab verən razılaşmaların həyata keçirilməsinə yönəldəcəyik”, - deyə rusiyalı diplomat qeyd edib.

Rusiyalı XİN başçısı Dağlıq Qarabağdakı üçtərəfli atəşkəs razılaşmasının bölgənin həm erməni, həm də azərbaycanlı əhalisinin maraqlarına cavab verdiyini vurğulayıb.

S.Lavrov əlavə edib ki, indi ən başlıca məqsəd insanların etnik mənsubiyyətindən və dini inanclarından asılı olmayaraq sülh və təhlükəsizlik şəraitində yanaşı yaşamalarıdır.


TEQ: Sergey Lavrov Qarabağ mövzusu ətrafında geopolitik oyunlara qarşı olduqlarını bəyan edib


22 Nov 2020 01:32   |    101

Mənbə: oxu.az



...Sizin bağışlamağınız təqvaya daha yaxındır. Bir-birinizə güzəşt etməyi unutmayın. Allah sizin nə etdiklərinizi görür. Namazları və (günortadan sonrakı) orta namazı qoruyun və Allah qarşısında mütiliklə durun.Əgər (nədənsə) qorxsanız, (namazınızı) ayaq üstə və ya minik üzərində (qılın). Təhlükə sovuşduqda isə Allahı, sizə bilmədiklərinizi necə öyrədibsə, o cür yad edin!  (Bəqərə Surə-2,ayə-237-239)



Şərhlər

Digər Dünya xəbərləri